Ondorengo 14 ikasleek hartuko dute parte Jatorrizko Hizkuntza Biziberritzeko Estrategiak aditu tituluan, datozen hiru hilabeteetan. Kitxua, Nasa, Maia, Nahualt, Kaqchiquel, Movida, Kurdu eta Amazigh ordezkariak daude tartean. 

Astelehenean, irailaren 16an, emango diogu hasiera Garabidek eta HUHEZI fakultateak elkarlanean eskainiko dugun Jatorrizko Hizkuntza biziberritzeko estrategiak Aditu Tituluari.

Bigarrenez eskainiko dugu Aditu Titulua, aurrez 2011n izan zen lehen edizioaren balorazio positiboaren ondotik, dagoeneko prest dugu guztia 2013ko edizio honi eusteko.

Aditu Titulu hau, irailaren 16tik abenduaren 5era garatuko da (3 hilabetez) eta bertan herri eta hizkuntza indigena desberdinetako 14 ikaslek parte hartuko dute (Kitxuak, Nasak, Maiak, Nahualtak, Katxikelak, Mobimak, Kurduak eta Amazig ordezkariek). 

Nasen eta euskaldunen arteko bigarren lantopaketa gauzatzen ari da abuztuan zehar Kolonbiako Caucan, nasen jatorrizko lurraldean. Topaketak eskola propioaren eraiketaren berri izateko eta esperientziak partekatzeko antolatu dira.

Bete ditugu lau egun  Kiwe wêt wêt deituriko resguardo-an, ia 2000 metrotara dagoen Nasa herriaren lurralde honetan bildu gara materialgintza ikastaroko partaideak.  Gure zerebroa etengabe kolpatu dute egun hauetan bizitakoek:  bide inposibleetan barna , chiva deituriko autobusean, Santander de Quilichao hiritik resguardora egindako bidaia, komunitateko bizitza lasaia, ordutegi naturala, Nasa herriaren humorea, sukaldariak, Don Pio Quinto agurea…

Aurkeztu du Garabidek, Hezkuntza – Euskararen berreskuratzea IV liburu eta dokumentala. Eibarko UEUren egoitzan (Markeskoa) egin zen aurkezpena Andoni Barreña eta Alberto Barandiaranen eskutik. Euskararen Berreskuratzea bildumaren laugarren atala da hau. Azken hau internetean soilik argitaratu da www.garabide.eus atarian.

Datorren uztailaren 15ean, astelehena, arratsaldeko 17,30tan, Eibarko UEUren egoitzan (Markeskoa) Hezkuntza – Euskararen berreskuratzea IV liburu eta dokumentala aurkeztuko ditu Garabide Kultur Elkarteak.

Kolonbiako herri indigenekin ditugun harremanak estutzen jarraitzen dugu. Oraingoan GARABIDE eta Munduko Hizkuntza Ondarearen EHU/UPV UNESCO Katedrak eta Cauca Departamenduko Nasa herriaren ACIN erakundearekin elkartasunezko garapen proiektu bati forma eman eta Euskal Herriko zenbait udaletxe eta administrazioren diru-laguntzarekin abiatu gara bidean.

Euskararen berreskuratzea (III) Hedabideak liburua eta dokumentalaren oinarrian, bi galdera daude: zergatik dira garrantzitsuak hedabideak hizkuntza baten biziraupenerako? Eta, zer du Euskal Herriak emateko arlo honetan? Gaur egun, euskara hutsean argitaratzen diren egunkariak ditugu; euskaraz astero kaleratzen diren aldizkariak; euskal telebista eta irratiak; Interneten blogak, web orriak, eta eduki ugari aurkitu daitezke lan handirik gabe. Zer egin du euskal komunitateak, beraz, hedabideen alor honetan? Jon Sarasuak liburuaren sarreran dioen bezala, adi egon. Hamarraldi bakoitzeko aukerei eta beharrei adi egon. “Euskaraz egin zitekeena amestu, antolatu eta ekintzetara pasa”.

Garabide Elkarteko bi lagun aurreneko aldiz izan gara Kolonbian. Batetik, EHU-ko Unesco Katedrako eta aldi berean Garabideko kide den Andoni Barreñaren eskutik, Chocó eskualdean emberekin duten proiektu batetan parte hartu dugu. Bestetik, aurten Aditu Tituluan sendotutako harremanari esker, Cauca-ko nasa herriarekin eskuz esku ezagutu ahal izan dugu nasa yuwe hizkuntzaren errealitatea, CRIC erakundearen eskutik. Bidaia benetan aberasgarria izan da, errealitate berriei hurbilpena egiteko ezinbestekoa eta Kolonbiako hizkuntza eta kultura aniztasunaren zatitxo batetaz jabetzeko aukera paregabea.