Astea Ipar Euskal Herrian hasita eta Gipuzkoan barrena jarraituz, euskara eta euskal kulturgintza ardatz duten hainbat eragilerekin egon gara Hizkuntzak Biziberritzeko IV. Formazio Programako 4. astean, hainbat hitzaldi eta sentsibilizazio-saiotan

Hona hemen laburpen bideoa:

Hizkuntzak Biziberritzeko IV. Formazio Programaren hirugarren astean euskalgintzaren hainbat arlotako erakundetan izan gara, Gasteiz eta Bilbon izandako egonaldiak aprobetxatuz.

Hona hemen laburpen bideoa:

Hizkuntzak Biziberritzeko IV. Formazio Programaren bigarren astean, euskalgintzan erreferente diren hainbat erakunde bisitatu ditugu Gipuzkoan eta Nafarroan barrena. Dena den, dibertitu adina hunkitu gara Zerua lapurtu dute ikuskizunarekin eta Lazkaon ospatu den aurtengo Kilometroak jaian.

Hona hemen laburpen bideoa:

Aretxabaletako Udalak egindako harreratik hasita eta Euskararen etxean jarraituz, BIHAR Nazioarteko Kongresuan izanda burutu dugu Hizkuntzak Biziberritzeko IV. Formazio Programaren lehen astea.

Hona hemen laburpen bideoa:

BIHAR Nazioarteko Kongresua manifestu eleaniztun batekin itxi da Irun eta Hendaia arteko zubian

Mundu osoko 40 bat hizkuntza komunitate gutxitu lau egunez bildu ondoren, larunbatean (irailak 26) amaitu da BIHAR Nazioarteko Kongresua. Itxiera Zubi Txikian egin da, Bidasoaren gainean Irun eta Hendaia lotzen dituen zubian. Bertan, biziberritzen ari diren hizkuntza komunitateek elkarrekin ondutako manifestua irakurri da, bost hizkuntzatan, txalapartaz eta dantzaz lagunduta.

Kongresua Garabidek, Soziolinguistika Klusterrak, Taupa Euskaltzaleen Mugimenduak eta Plazara kolektiboak antolatu dute elkarlanean.