Garabide Kultur Elkarteak, hizkuntzen biziberritzearen arloan nazioarteko lankidetzan diharduen euskal erakundeak, Ekuadorren 2026ko azaroaren 29ko tokiko hauteskundeen testuinguruan bizi den egoera politikoa dela eta, honako hau adierazi nahi du:

1. Urte luzez aritu gara Ekuadorren hizkuntzak biziberritzeko proiektuetan elkarlanean, bereziki kitxua hizkuntza komunitatearekin, eta azkenaldian, Imbabura probintzian.
2. Garabide Elkarteak askotariko elkarte, alderdi politiko, erakunde eta instituzioekin egin du lan, eta hala egiten jarraitzen du, sentsibilitate politiko guztietakoekin.
3. Azken urteotan, Imbabura probintziako hainbat parrokiatako gobernu autonomo deszentralizaturekin (GAD), Imbaburako Prefektura Herritarrarekin eta, bereziki, Warmi Imbabura programarekin eta Paolina Vercoutere Quinche prefetaordearekin aritu gara elkarlanean.
4.  Elkarrekin kudeatzen ditugun proiektuak gauzatzeko beharrezkoak diren funtsen kudeaketa erabateko gardentasunez egin da, une oro ezarritako helburuak betez eta egindako gastu guztiak behar bezala justifikatuz.
5. Oro har, prefekturatik egiten ari diren lana eta erakutsitako konpromisoa babesten ditugu, eta, bereziki, Paolina Vercoutere Quinche prefetaordearena; landa eremuko komunitateekin duen konpromisoa eta giza eskubideen alde egiten duen defentsa aktiboa aitortuz.
6. Kezkaz jarraitzen ari gara oposizioko alderdi nagusiaren inhabilitazioa eta alderdi horretako presidentegaiaren atxiloketa, 2026ko azaroaren 29ko tokiko hauteskundeetarako aste gutxi falta direnean.
7. Eskumena duten agintariei eskatzen diegu prozesu judizial horiek ez daitezela helburu politikoetarako erabiliak izan, eta inpartzialtasunez jardun dezatela, objektibotasuna eta oinarrizko eskubideen errespetua bermatuz.
8. Era berean, eskumena duten agintariei eskatzen diegu azaroaren 29ko tokiko hauteskundeetan sufragio unibertsal aktibo eta pasiborako oinarrizko eskubidea errespeta dezatela, ideologia eta sentsibilitate politiko ezberdinetako alderdi eta mugimenduen hautagaitzen parte-hartzea bermatuz.