Irakaskuntza eleaniztuna, “posiblea izateaz gain, onuragarria da", ondorioztatu du Joaquim Dolz irakasleak Euskaltzaindiak antolatu dituen Etorkinak eta euskara jardunaldietan.

“Ariketa polita da distantziaz urruti eta kulturalki are eta urrutiago dauden pertsonei, egoera gutxituan dugun hizkuntza komunitate bat berreskuratu nahian hemen egiten ari garena azaltzea”. Hausnarketa hori egin du berriki Iñaki Arrutik.

Amaitu da Garabidek antolatu duen Hizkuntzen eta Herrien arteko III Truke Programa. Jaia ospatu genuen azken egunean Eskoriatzako plazan eta afaria egin genuen ondoren Aretxabaletako Larrino auzoan.

Euskalgintzaren herriz-herriko mapa egiteko asmoa eta beronen hasierako bertsioa aurkeztu ditu Kontseiluak. "Elkarte eta erakundeen ekintzak eta egituraketa azaldu nahi ditugu", laburbildu du Xabier Mendiguren Kontseiluako Idazkari Nagusiak.

Arrakasta handiz amaitu da,Ñawipi, Ekuadorren egin den herri originarioen zinema eta bideo jaialdia. Malki pelikulari eman diote sari nagusia

Asteon hasi da Garabide Elkarteak antolatzen duen esperientzien Truke Programa. Igandean Nafarroan Oinez ezagutzera joan gara eta jardunaldiak urriaren 19an hasi dira.

Hizkuntza kontzientzia berpizteko tailerrak egiten jarraitzen dute maputxeek.

Euskararen berreskuratze prozesutik abiatuta, hizkuntzak biziberritzeko gako nagusiak bilduko dituen lehenengo DVD-liburuxka ekoizpena fasearen azken urratsetan sartu da.

1919ko irailaren 21ean sortu zen Euskaltzaindia. Gipuzkoako Foru Aldundian egun horretan egindako batzarrean abiatu zen.

Joan den uztailaz geroztik emititzen ari da Ekuadorko Cotopaxi probintzian TVMicc, mugimendu indigenaren telebista katea.