Samira Belyouaou (Heidelberg, Alemania, 1994) diasporako alaba da. Gurasoak Rifen (Maroko) jaioak, Alemanian Samira alabak eta lau seme-alaba gehiagok amazigera izan zuten etxeko hizkuntza. Itzulpengintza ikasketak egina, software enpresa batean ari da, beren produktuak 80 hizkuntzatara itzultzeko lanak kudeatzen. ADITU programa bete du iragan udazkenean, eta mintzatu zaigu bere lehen hizkuntzaz. Egun, 3,6 milioi pertsonek hitz egiten dute amazigera Marokon eta Aljerian  –eta diasporan, esan beharko da–, eta 2011z gero ofizialtasun estatusa du bi herrialdeotan, erregulaturik ez badago ere.