Euskal Herriko kultura eta hizkuntza identitateak proiektuak Euskal Herrian bizi diren eta hizkuntza gutxitua duten hainbat pertsonen bizitza istorioak biltzen ditu. Bideo-piluletan parte hartzen duten sei hiztunek, beraien hizkuntza eta kulturen gaineko bizipen eta sentimenduak arakatzen dituzte, norberaren identitatearen eraikuntzan hizkuntzak izandako garrantzia adieraziz, jasandako jazarpen prozesuek beraien bizitzetan izandako inpaktua partekatuz, jatorrizko hizkuntzen egoera azalduz, euskararekiko harremana landuz, beste gai batzuen artean. 

Sei hiztun, sei hizkuntza, bizipen anitzak: 
- Roberto Awanari: tupí-guarania 
- Palmira Dual: kaloa 
- Naiss Sambou: diola 
- Marijo Estibariz: euskara 
- Isabel Hernandez Castro: k’iche’ 
- Ahmed El Ajbari Ziani: tarifit