Azken urteotan, Deustuko Unibertsitateak Herri Indigenen Giza Eskubideei buruz ematen duen prestakuntza-programan parte hartu du Garabidek. Programaren helburua da erakunde eta komunitate indigenek beren herrien eskubideen defentsan, sustapenean eta babesean egiten duten lanean laguntzea, giza eskubideen nazioarteko tresna eta mekanismo nagusietan trebatuz, bai eta indigenen eskubideek Latinoamerikan duten dimentsio soziopolitikoa hausnartzea eta aztertzea ere.
 
Garabidek saio bat eskaini du kolonialismo linguistikoaren oinarriak azaltzeko eta prozesu historiko horrek gaur egun arte gure hizkuntzen zapalkuntzan nola laguntzen duen azaltzeko. Hizkuntza-lankidetzan egindako lanaren berri ere eman du, eta hainbat hizkuntza-komunitatetan izandako esperientziak aurkeztu ditu.
 
Topaketa hori aukera paregabea izan zen ezagutzak partekatzeko, gaitasunak indartzeko eta ekintzaileekin lankidetza-sareak ezartzeko.