Albisteak

Euskal Herrian dira HIBIL ikastaldiko partaideak

2022/03/09
Martxoaren 7an eman diogu hasiera GARABIDE Elkarteak lehen aldiz antolatu duen “HIBIL - Hizkuntza Gutxituak Biziberritzeko Lankidetza- ikastaldia” ikasketa eta errebindikazioa uztartuz.
 
Ikastaldi honek izaera mistoa du: azken 3 hilabeteetan on-line ikastaroa egin dute partaideek (gai nagusiak: soziolinguistika, hizkuntzen berreskurapen prozesuak eta, zehazki, euskararen biziberritze prozesua) eta, apirilaren 1a arte Euskal Herrian izango dira maila teorikoan sakontzeko eta, batez ere, euskalgintzako hainbat entitate bisitatzen eta ezagutzen. 
 
HIBIL Ikastaldiko partaideek euren herrietan hizkuntza aktibistak dira. 
 
12 komunitate linguistikoko eta 11 estatuko 24 kide  dira gurekin: 
 
3 Maputxe (Walmapu)
4 Amazig (Maroko, Algeria, Espainia)
2 Nasa yuwe(Kolonbia)
1 tutunaku (Mexiko)
1 Nawat (Mexiko)
3 Yukatango maia (Mexiko)
4 kitxua (Ekuador), 
1 Nawat pipil (El Salvador)  
1 Guaraní (Bolivia
1 Tseltal (Mexiko)
2 Ketxua ( Peru eta Bolivia)
1 Kitxe (Guatemala).
 
Hasiera bizia izan du HIBILek, argazkietan ikus daitekeen bezala, saio teorikoetan adi-adi izan dira eta, atzo, martxoak 8 zela eta, ez zuten aukerarik galdu eguerdian egindako kontzentrazioan parte hartzeko, euren ikur, bandera eta kantuekin.

Erlazionatutako proiektua

facebook
0
twitter
Iruzkinak
0
Lagun bati bidali

 

 2020 Garabide

Larrin Plaza 1, 20550 Aretxabaleta, Gipuzkoa
688 63 24 33 / 943 250 397
garabide[arroba]garabide[puntu]eus