Gipuzkoako Batzar Nagusietan lankidetza hitzarmena sinatu dugu. Bidaidetza berri honekin Nasa herrian azken urteetan garatzen ari garen hizkuntza lankidetza sendotu ahalko dugu. Andoni Barreña Garabide Elkarteko lehendakaria horrela mintzo da Batzar Nagusietako sinadura ekitaldian

“Lankidetza linguistikora zuzenduta dagoen erakunde txikia da gurea. Urtetan zehar euskal kulturak garatu du bide bat euskararen irakaskuntza eta transmisioa ziurtatzeko, eta orain, jakintza hori Boliviako Nasa herriarekin partekatu nahi dugu. Nasa herriaren kultura eta hizkuntza irakasteko sistema bat ezarri nahi dugu, guk gehitu dezakegun esperientziatik. Urte eta egoera gogor batzuen ondoren, hasi dira beraiek bertan irakaskuntza hori martxan jartzen, baina metodologiarik gabe. Eta gure helburua da Nasa herritarrek beraiek izan ditzatela behar beste tresna kultura horri bide emateko. Proiektu hau muinean errotu nahi den prozesu bezala ulertzen dugu, izan ere kultura da aldaketaren erroa, horrek dakartzan aldaketa guztiekin.”

Iturria: Gipuzkoako Batzar Nagusiak