Albisteak

Lankidetzarako hitzarmena sinatu dugu Usurbilgo Udalarekin

2015/01/01

 Usurbilgo Udalak eta Garabide Elkarteak hitzarmena sinatu dugu kooperazioaren barruan hizkuntza lankidetza bultzatzeko eta garapen bidean diren herrietako jatorrizko hizkuntzak biziberritzeko proiektuak sustatzeko. Argazkian, Usurbilgo alkatea, Mertxe Aizpurua, eta Garabideko lehendakaria, Andoni Barreña, sinaduraren unean.

 

 

Garapenerako lankidetza-proiektuetan hizkuntza-irizpidea txertatzeko proposamena aurkeztu dute elkarlanean Garabidek, Unesco Etxeak eta Soziolinguistika Klusterrak

2015/01/01

Hizkuntza gizarteen adierazpide garrantzitsuenetakoa da, baina ez da beti kontuan hartzen garapenerako prozesuak proposatzean. Munduan hizkuntzak desagertzen ari dira, etengabe, eta egoera horretan, garapenerako lankidetzak aztertu egin behar du zer eginkizun duen hizkuntzak prozesu horietan, bai eta zer-nolako eragina izan dezakeen lankidetzak hizkuntza-galera horretan ere.

Garabidek koordinatzaile lanposturako langilea behar du

2015/01/01

Koordinatzaileak egin beharko dituen lanak:

Garapenerako lankidetza proiektuen koordinazioa eta kudeaketa orokorra, proiektu horien finantzabideak bilatzea (diru laguntzen kudeaketa), kanpo eragileekiko zein Garabideko bazkideekiko harremanak eta kanpo komunikazioa garatzea.

Amaitu da Jatorrizko Hizkuntza Biziberritzeko Estrategiak Aditu Tituluaren bigarren edizioa

2015/01/01

Irailaren 16an hasi zen Jatorrizko Hizkuntza Biziberritzeko Estrategiak Aditu Titulua eta amaitu egin zen abenduaren 10ean, hortaz, bertan zeuden 14 ikasleak beraien herrialdeetara bueltatu dira.

Aditu titulua 2013 | Azken jaia osorik from Garabide on Vimeo.

Jatorrizko Hizkuntza Biziberritzeko Estrategiak aditu tituluaren amaiera bezala Eskoriatzan, Mondragon Unibertsitateko HUHEZI fakultatean, abenduaren 4ean egindako jaiaren bideoa.

Sarean da 'Eremunduan', aditu-tituluko kantua

2015/01/01

 'Hizkuntzak Biziberritzeko Estrategiak' aditu-tituluak badu bere kantua: 'Eremunduan'. John Buhameak egin du musika eta Jon Sarasuarenak dira hitzak.

Eremunduan from Garabide on Vimeo.

Garabideko kideak, 'Tribuaren berbak' saioan

2015/01/01

Tribuaren Berbak | Euskararen tamaina from Garabide on Vimeo.

Jon Sarasua Garabideko kidea eta aditu tituluko hiru ikasle (Suna Altun, Marco León eta Viviana Gonzalez) elkarrizketatu ditu Kike Amonarrizek etb1eko saio berrian

Hizkuntza gutxituak dituzten komunitateekin lankidetza sustatzeko hitzarmena sinatu dute Garabidek eta UEMAk

2015/01/01

Garabide kooperazio era berri bat eginez, esperientzien elkar banaketan oinarritutako lankidetzan aritzen den elkartea da. Andoni Barreña elkarteko presidenteak agerraldian aipatu duenez, “Garabidek komunitateen arteko zubi lanak” egin nahi ditu. Eta norabide horretan, “jauzi kualitatibo” moduan aurkeztu du UEMArekin sinatutako hitzarmena. Batetik, Mankomunitateak “esperientzia aberatsa jaso” duelako bere ibilbidean eta baduelako zer konpartitu. Bestetik, UEMAk bere baitan dituen “71 udaletara hitzarmena zabaltzeko konpromisoa” hartu duelako.    

Urriaren 24an Jatorrizko hizkuntzen biziberritzeari buruzko mahai-ingurua Orion

2015/01/01

Orioko Udalak eta Garabide elkarteak mahai-inguru bat antolatu dugu Orioko Salatxo aretoan datorren urriaren 24an, osteguna, 19:00etan.

Mahai-ingurua Udalak eta Garabide elkarteak sinatu berri dugun elkarlan-hitzarmenaren barruan antolatu dugu, honako helburuarekin: oriotarrei beste hainbat hizkuntza minorizatutako komunitateek beren hizkuntza biziberritzeko egiten ari diren lana ezagutaraztea, eta esperientziak trukatzea.

Jatorrizko Hizkuntza Biziberritzeko Estrategiak aditu tituluko kideen aurkezpena

2015/01/01

Ondorengo 14 ikasleek hartuko dute parte Jatorrizko Hizkuntza Biziberritzeko Estrategiak aditu tituluan, datozen hiru hilabeteetan. Kitxua, Nasa, Maia, Nahualt, Kaqchiquel, Movida, Kurdu eta Amazigh ordezkariak daude tartean. 

Abian da Hizkuntza Biziberritzeko Estrategiak Aditu Tituluaren bigarren edizioa

2015/01/01

Garabide Elkarteak bultzatzen duen garapenerako lankidetzaren baitan, Herrien eta Hizkuntzen arteko Truke Programa desberdinak antolatu izan ditugu. Indigena komunitateetako hamarnaka ordezkari egon dira gurean, hamaika izan dira egindako formazio saio, harreman dinamika eta bilkurak.

Kooperazio linguistiko-identitarioaren bide honetan, euskalgintzaren baitako eremu eta estrategia zabal eta anitzetan pilatutako esperientziak, hizkuntza eta identitate minorizatuen biziberritze, berreskurapen eta indartze prozesuetan kokatu nahi ditugu.

Testuinguru horren baitan, bigarrenez, Jatorrizko Hizkuntza Biziberritzeko Estrategiak Aditu Titulua jarri dugu martxan Garabide elkartea eta HUHEZI fakultatearen artean.

Aditu Titulu hau, irailaren 16tik abenduaren 5era garatuko dugu (3 hilabetez) eta bertan herri eta hizkuntza indigena desberdinetako 14 ikaslek hartuko dute parte (Kitxuak, Nasak, Maiak, Nahualtak, Katxikelak, Movidak, Kurduak eta Amazigh ordezkariek).

 2017 Garabide

Jose Arana 13, 20540 Eskoriatza, Gipuzkoa
943 250 397
garabide[arroba]garabide[puntu]eus